البيت بيتك إديها نفاق براحتك

في حلقة الإثنين 11/6/2007 من برنامج البيت بيتك
وفي الفقره الثانيه التي كان ضيفيها
الأستاذ مصطفي بكري والأستاذ مرسي عطالله
مع المذيع اللامع الألمعي تامر أمين
إبن الحاج أمين بسيوني بتاع إتحاد الإذاعه والتليفزيون
وأخ الأستاذ علاء بسيوني مذيع برامج المنوعات سابقاً والبرامج الدينيه حالياً
وقريب ونسيب كلِ من الحزب الوطني ولجنة السياسات والأستاذ محمود بركه منتج البرنامج
في هذه الحلقه من البرنامج
تباري الساده الحضور متمثلين في السابق ذكرهم مصطفي بكري عضو مجلش الشعب ومالك ورئيس تحرير جريدة الأسبوع والأستاذ مرسي عطالله ماللك بردوا ورئيس مجلشإدارة الأهرام علي إعتبار إنها عزبه له ولغيره سابقين ولاحقين
في هذه الحلقه تباري الجمع المبارك بما فيهم الواد الفحلو المسبسب تامر أمين علي التنكيل بالمعارضه وممالأة الحزب الوطني المبارك بردوا
وكان موضوع الحوار
انتقاد الحوار الأمريكي بين أعضاء الكونجرس ورموز المعارضه المصريه عبر السفاره الأمريكيه بالقاهره
الغريب في الأمر أن هناك حواراً قائماً وقديماً بين الولايات المتحده كونجرس وغيره والحزب الوطني بمختلف لجانه
بل إن الرئيس مبارك يتلقي التعليمات من السفاره الأمريكيه وإللي مش مصدّق يسأل ديفيد وولش السفير السابق
ده كمان بيحي أمريكا أقوي من عنيه وبيبعت إبنه في زيارات سريه لولا مراسلة الجزيره
المهم أن النفاق في هذا الحوار قد زاد عن حده بل وإدعا الوطنيه أيضاً وشرع السادهة الأجلاء في رمي كل الناس بالعماله
وطبعاً ومن البدايه قبل ما ادخل في تفاصيل اللي اتفال الكلام ده كله جاي علي خلفية الحوار الأمريكي مع جماعة الإخوان حد يقولي ده كان في المجلس واللي اختار سعد الكتاتني المتحدث باسم كتلة الإخوان هو الدمتور سرور شخصياً هاقولك أن المقصود اجتماع الكتاتني مع وفد الكونجرس في منزل السفير الأمريكي
المهم إن الأستاذ مصطفي بكري بشجاعته المعهوده ضد الضعفاء والمكسورين وده باين للكل ده حتي ماهاجمش سمير رجب عير أما إتشال
الأستاذ بدا كلأسد المغوار شاهراً سيف الوطنيه إللي طلع م الشاشه ودخل في عيني
ورامياً كل الناس بالعماله ومتهمهم بالخيانه واللي علي لسانه سعد الدين ابراهيم مع ان الراجل مظلوم والموضوع مش حكاية دعم من الخارج لأن الحكومه بتاخد دعم من الخارج لتنفيذ مصالح الخارج ومش قصدي المعونه أنا قصدي أثناء حرب العراق لما بعتت الحكومه سفن تموين وسمحت بمرور البوارج البحريه من قناة السويس وخدت أربعه مليار دولار وعشان ماحدش يقول أهو كله فايده بما ان العراق كان كده مكده مضروب هاقولكل ان الفلوس دي عرفت طريقها للجيوب التقيله
نرجع لبكري وعطالله
وطبعاً تامر أمين كان بيلعب دور محامي الشيطان علشان الأفكار المقصوده تمر
الأستاذ مصطفي بكري اتكلم عن الفلوس الي بتيجي من برا وهو كده بيلقح ع الاخوان وغيرهم طبعاً واعلن مفتخراً انه لما اتعرض عليه تمويل الاسبوع من منظمه اوروبيه طرد مدير المنظمه اللي كان عايز ياخده شقه مفروشه وأنا نفسي يوضّح بالدليل القاطع انه مش شقه مفروشه للحزب الوطني
الرجاله في كلامهم ونحديداً مصطفي بكري أكتر
استعار لهجة السفير سليمان عوّاد اللي قال بيها ان الحكومه الأمريكيه مابتتعاملش مع حماس المنتخبه يبقي تساوي مابين كل الكنطرفين
والكلام ده استعداء واضح اكتر مما هو عليه الحال ضد حماس ولا يصح أن يخرج من فم المتحدث الرسمي باسم رئاسة الجمهوريه قام يروح مصطفي بكري مستعير نفس الكلام علشان يواجه الإخوان يبقي شقه مفروشه للنظام والا لأ
وتامر أمين اللي بيتجمل عليه والا علينا من فلوس الحاج أمين بسيوني
لما قالهم ان الفقره فاضل فيها دقيقتين وبعنتريه غير معهوده صاح مصطفي بكري ان ده مايصحش والفضائيات مش بتعامله كده ويا تدونا الوقت يا مش هانيجي البيت بيتك تاني
يروح تامر أمين بمشهد ميلودرامي قديم يقوله انت يا أستاذ مصطفي انت طعنتني بخنجر في قلبي_ سلامة قلبك يا ضنايا_ وعشان كده خد الوقت اللي اانت عايزه وده بعد تدخل سريع من السيد محمود بركه منتج البرنامج ومؤجر القناه الثانيه
وتمتد الفقره ثلث ساعه بعد الموعد الأصلي لها
تلت ساعه هوا
يبقي شقه مفروشه والا لأ
والشهاده لله الأستاذ مصطفي بكري لما عرف التضحيه الكبيره دي رد الجميل فتفوق علي نفسه في وصلة التغريض بالمعارضين السابقه ونزل أتقل من الأول
وقاللك اننا مش عايزين عراق تاني
هما مين مش عارف
وان احمد الجلبي وعبد العزيز الحكيم لما كانوا بيهاجموا صدّام والناس معجبه بيهم دلوقتي الناس بتترحم علي أيام صدّام
يعني دعوه صريحه لحمد مبارك والتسبيح بأسمه بدلاً من الترحم علي أيامه
يبقي شقه مفروشه وإلا لأ
ويتطور البرنامج تجاه التحليل المنطقي والواعي والنقض البنّاء لما يتصلوا بالحج محمد علي ابراهيم رئيس تحرير الجمهوريه
وهو علي قده في الثقافه والقرايه والكتابه
ويستشهد بمساندة أمريكا لتوجهات في بلاد تانيه أثبتت فشلها الذريع وأنا كده باقول اللي هو قاله أحسن منه
ويدي مثل بخوسيه ماريا أزنار ويقولك ده فاشل وكان طمعان في عرش أسبانيا لعيلته رغم ان القانون المصري بيغاقب علي سب رئيس دوله أجنبيه والكلمه دي لو قالها واحد من المعارضين كان طلع من ماسبيرو علي طره
انا عارف طبعاً ان ازنار مش في السلطه بس هو استشهد برئيس اوزبكستان واستشهد بشاوشينكو ودول لسه في السلطه
الغريبه انه لما كان بيتكلم واحنا اتفقنا انه ضعيف في الكلام وصياغة الجمل
كان بكري وعطالله شغالين ضحك
علشان الراجل يتسحب من فريق المنافقين ويكسبوا أرض زياده رغم انه فاتح بيت وعنده عيال
الشديد قوي في الكلام لما بكري يقولك ان مبارك بقاله 4 سنسن ما زارش أمريكا
لأ واحط نفسه في موقع العالم ببواطن الأمور وقعد يحلل
لمل بكري يقول ان مبارك هو اللي رافض يزور أمريكا
جاب المعلومه دي منين
ويبقي شقه مفروشه والا لأ
ثم إن مبارك هايرفض زيارة أمريكا ليه وهو حفيان علي رضاها
قول يبا عم بكري فض الله فوك
يقولك انه عارف مخططات أمريكا ونواياها السيئه وانه مايضحكش عليه الصياغه دي من عندي واما حاولوا يورطوه في حرب العراق كان أذكي منهم وما وقعش في الحفره
بأمارة إيه
في حري 1991
الدول العربيه لما عرضت عليه بما انه رئيس أكبر وأقوي دوله عربيه يدخل يحرر الكويت وياخد تكلفة الحرب رفض وعمل عاقل
ولما أمريكا راحت وشاورتله
بعت قوات مصريه حاربت وخسرت فلوس وجنود
وببلاش
لما يدافع الدفاع الغبي ده
يبقي شفه مفروشه وإلا لأ
وطبعاً في خلال الحوار ده كانت مرسي عطالله بيدفع ضريبة رئاسة مجلس إدارة الأهرام بس كان مصطفي بكري اللي واكل الجو وده بيخليني أتوقع دعم من المؤسسه القوميه اللي بتطبع وتوزع الأسبوع
ييجي بكري في الأخر ويقولك انا راضي بالجوع والفقر والمرض بس مانبقاش عراق تاني
إستعداء صريح علي المواطن
واقناع مستتر بالرضوخ والخنوع
يبقي شقه مفروشه وإلا لأ