مبارك عميل بدرجة رئيس جمهوريه

مبارك عميل بدرجة رئيس جمهوريه

وإحتفالاته زفه والعريس عبيط


بداية أنا لا اقصد مفهوم العماله بمعناه الأوحد المباشر الذي يقصد

الخيانه المطلقه

ولكن الرئيس مبارك وأي رئيس بما أنه رئيس لدوله

يأكل ويشرب ويلبس ويركب من أموالها وأنا لا أقصد الراتب الشخصي

فالرئيس مبارك يركب ويأكل ويلبس بدل وجزم وأندر ويرات من مخصصات رئاسة الجمهوريه

حتي الحلاق بتاعه الخاص موظف في رئاسة الجمهوريه وكمان بتاع الصبغه وطقم السنان

ولتري هذا الواقع عليك أن تبحث عن أرقام مخصصات رئاسة الجمهوريه

وحباً فيك مش هاتعبك وهاقولك إن الرقم حوالي 10 مليار جنيه

طبعاً المرتبات أقل حاجهة في الرقم ده

والباقي البدل بتاع الرئيس والعيال والحلاق والدكاتره والأندر ويرات ومكياج ماما سوزان والذي منه

وبما إن الرئيس بيحوش مرتبه وعايش علي قفانا آكل شارب نايم راكب

لأ نا أقصدش راكب الوحشه لأن صحته علي قده

بما إن الموضوع كده فالمفروض إن الرئيس يكون عنده دم لأن الواقع بيقول

إن وظيفته هي رعاية مصالح الدوله لا مصالحه الشخصيه ومصالح العائله والأهل والأقارب والجيران والبلاد التانيه

وبرغم إن أنا قلت إني ما أقصدش العماله بمعني الخيانه الصريحه

إلا إن الواقع بيقول إن الأمر إذا وصل لمصلحة بلد وأمنها القومي وإستمرارها

فالخيانه تتساوي بالغباء

ونتفق من المنطلق ده إن مبارك إن ما كانش خاين فهو غبي

والغباء خيانه

نرجع لحيثيات المانشيت الحلو إللي في الأول

بنظره واحده فاحصه وإلا مش فاحصه للسيايه الخارجيه للرئيس المحترم ستكتشف أن الرئيس لا يعمل لصالح مصر

فالرئيس مبارك الذي رفض مشروع الجسر الرابط بين مصر والمملكه العربيه السعوديه لأسباب واهيه غير واضحه اللهم إلا خوفه

علي منتجع شرم الشيخ الذي يقضي فيه أيام شيخوخته الأخيره في هدوء وراحة بال بعيداً عن هموم ومشاكل البلد الحقيقيه

ثم نجده صديقاً شخصياً لإيهود إولمرت رغم حرب الجاسوسيه المشتعله ورغم

ممارسات الحكومه الإسرائيليه ضدنا وضد فلسطين إلي درجة أنه يستقبل إولمرت صبيحة مقتل ثلاثة

جنود مصريين علي الحدود

ثم نجد مبارك يذهب للقمه الأفريقيه التاسعه في العاصمه الغانيه أكرا

ويعود في نفس اليوم رغم أهمية أن تكون مصر حاضره بقوه في أفريقيا

والموضوع ده لأهميته هاكتبله مقال لوحده

بس تشوف مبارك رجع ليه أساساً

وإستخف بأهمية الموضوع

مش علشان صحته ولا الضغط علي ولا جاتله نوبة سكر ولا الكلي قامت عليه

الشملول رجع 8علشان يحضر في اليوم التاني حفل تخريج دفعة كلية الدفاع الجوي

ويقعد يسمع النفاق إللي فاق كل حد

وده نتيجة إن مبارك لا يعترف إلا بالدوله العسكريه ولا ينسي أنه كان عسكرياً منافقاً

وبالتالي لا بد أن يسمع نفاق ولاد الكار علشان محدش يبقي أحسن من حد

وتبص علي ساحة الإحتفال تلاقي حوالي 100 صوره لمبارك

من الصور الحلوه بتاعة الشباب

وتلاقي 3 أعلام بس

وإضطهاده للعلم ده لو سبب راجع للعماله بردوا

لأنه إحتقر العلم بإنه ضيع قيمته وأعتقد إنه مش بيطيق يشوفه لأنه بيفكره بالخيانه لأهداف ومبادئ الثوره إللي العلم ده علمها أساساً

رغم إن العلم ده أكتر حاجه بتلخص تاريخ البلد من الثوره لحد دلوقتي

ففترة جمال عبد الناصر برعايتها لمصالح وحقوق الفقراء ممكن نعتبرها فتره بيضا في تاريخ البلد

وفترة السادات بحرب التحرير وبمذابح التيارات الإسلاميه إللي أطلق يده

وكان هو أول واحد راح ضحيتها ممكن نعتبرها فتره دمويه في تاريخ البلد

يعني عبد الناصر الأبيض

والسادات الأحمر

وعلشان ما أبقاش باصادر علي حد ممكن أقبل إنك تعتبر العكش

وإن عبد الناصر كان دموي والسادات كان أبيض

لكن إللي مش هانختلف فيه إن الإسود هو ده اللون الوحيد إللي ممكن ينطبق علي فترة مبارك

شوفت العلم المصري عبقري إزاي

نرجع لعمالة مبارك

تشوف مبارك وهو قاعد في إحتفال تخريج دفعة قوات الدفاع الجوي

تحس فعلاً إنها زفه والعريس عبيط

قاعد فاشخ بقه ومصدق إن الناس إللي بتنافق دي مقتنعه بالكلام إللي بتقوله ده

والسذاجه بتنط من عنيه

ونفس الشئ تاني يوم في إحتفال قوات الدفاع الجوي بعيدها الثلاثين

في دار القوات الجويه وإللي بيوافق بناء حائط الصواريخ المصري علي الضفه قبل إعلان الهدنه مع إسرائيل وإللي النظام لعب فيه لعبه حلوه لأن أمريكا قبل إعلان الهدنه خدت صور للجبهه

والحل إللي النظام عمله إنه نصب حائط صواريخ خرسانه وإستبدله بعد كده

مش ملاحظ إن كل الأعياد والإحتفالات القوميه في ايام عبد الناصر والسادات

حتي عيد تحرير سينا 24 أبريل 1982 إللي مبارك عمله عيد

وصورته كل سنه بتفقع مرارتي في التليفزيون وهو بيرفع العلم

لأن ده دوره الوحيد في الموضوع ده لأن سينا كانت إتحررت قبل ما يمسك وتقريباً كان الحكم صدر

نرجع لحفلة دار القوات الجويه

مبارك قاعد نفس القعده إللي إتكلمت عنها وإللي كلكم عارفينها

قعده ساذجه بلهاء فاشخ بقه

ومتخيل إن محمد العزبي وهو بيقول إخترناه مقتنع إنه إختاره

وإلا راضي عن الإختيار ده من اساسه

أول ماشفته قاعد كده إفتكرت عادل إمام في فيلم رجب فوق صفيح ساخن

لما كان في المحطه واقف فاشخ بقه بردوا ومصدق إن سغيد صالح يعرفه

وإنه يقربله لحد ما لبسه العمه

مبارك ذو القدرات العقليه المحدوده لا يتقن اللعبه لأن إبتسامته العبيطه الساذجه تؤكد أنه يصدق الحاله ولا يتعامل معها بمنطق اللعبه

فهو يتخيل أنه محبوب من الشعب الذي إختاره

ونتيجة جهله الشديد إللي حاول يظهر عكسه في حواره مع مجدي الدقاق رئيس تحرير الهلال

وقال وعاد وأعلن إنه بيقرا شعر لصلاح غبد الصبور ومش عارف إيه لمين

بس الواقع بيقول إنه مش بيعرف يقرا من أساسه لأنه لو كان بيقرا كان عرف إن النظام من أيام الفراعنه عاش الملك مات الملك

وكان إتعامل مع اللعبه بالمنطق ده

وعرف إنه رايح وإللي بيصقفوله ها يعملوا كده لغيره

نرجع تاني للعماله

ومش مضطر أعيد موقفه إللي إنتوا عارفينه من العراق في التسعينات ولحد الآن

ومساندته لأمريكا في 91 بالقوات وفي 2003

بفتح قناة السويس وإمداد القوات الأمريكيه بالغذاء

ولا موقفه من حزب الله وحماس ومعاداته لهم طبقاً للأجنده والأوامر الأمريكيه

لكن إللي يفقع

إن مبارك دائم اللعب بالدستور والقانون وكل هذا اللعب لا يصب إلا في مصلحة القوي الداخليه والخارجيه المتحالفه معه

فتحجيم النشاط السياسي ومنع ممارسته علي أساس ديني هو خدمه للأجنده الخارجيه الإسرائيليه تحديداً لأنها تعلم أن نظاماً إسلامياً في مصر لن يبقي علي إتفاقية السلام

ورغم معارضتي للإسلاممين من حيث أجندتهم السياسيه غير الموجوده من الأساس

إلا ضربة مبارك الإستباقيه قد تكون أجهضت هذه الأجنده فأنا لا أمانع من وصول الإسلاميين للحكم علي أسس مدنيه وسياسيه واضحه

كما أن مبارك الذي غير وعدل في قوانين الإستثمار والضرائب ليفيد حاشيته من رجال الأعمال

عدل قوانين الضرائب بالنسبه للمشروعات الإستثماريه ولم يلتفت له بالنسبه للضرائب علي الدخول

لنري في موازنة العام الحالي أن حصيلة الضرائب من الدخول أعلي من ضرائب المشروعات

كما أن تعديل القوانين المساعده لرجال الأعمل لم يصحبه تعديلاً موازياً لصالح نظام الدوله ولصالح الشعب الفقير

لنري أن قانون الوظائف العامه مضي عليه أكثر من ثلاثة عقود

وكذلك قانون القضاء

وقانون السجون الذي صدر عام 1956

أي أنه لا يعمل لصالح البلد التي هي الشعب في أدني مستوياته

مبارك العميل للداخل الرابح والخارج المتربص

إستغني صضمن صفقة العماله عن التأييد والدعم الشعبي لدرجه أصبح معها يزور الإنتخابات ويضرب برأي الناس عرض الحائط ووصل

عدم مراعاته للناس ومشاعرهم ومصالحهم أن جاءت تعييناته في المجالس النيابيه

طيلة 26 عاماً تنضح بالفساد وإستغلال السلطه

فنري ممدوح إسماعيل بتاع العباره مغين في الشوري

وهاني سرور بتاع أكياس الدم معين في الشعب

وسابقاً كان سمير رجب وإبراهيم نافع

والآن محمد علي إبراهيم وعبد الله كمال لتتضح الصوره بشكل أكثر جلاءً

فالرئيس مبارك تنازل عن الدعم الشعبي

لصالح مساندة رجال الأعمال والعمل لهم وبهم ولصالحهم

لكن الرئيس مبارك بسذاجته التي تحدثت عنها آنفاً أحب أن يجمع الحسنيين

لأ مش الموت والشهاده لأن إللي زيه مش هايشوف الشهاده

لكن الحسنيين إللي هما العماله وإرضاء رجال الأعمال الذين أصبحوا قوه لا يقدر هو اغلآن شخصياً علي تحجيمهم لإعتبارات ضعف النظام

وإنتظاره لمساندة هذه الجبهه القويه لعملية التوريث

مبارك أحب أن يظل في مسيرة العماله والخيانه لبلد ومصالحه وأهله وفي نفس الوقت يكسب الشعب

ودي نتيجة السذاجه والجهل إياه

إزاي ياراجل يا جبله تعمل فينا كده وعايز تكسبنا

يعمل إيه السياسي العبيط

يروح كاس الأمم الأفريقيه وأهالي ضحايا العباره بيدوروا علي رجل أو إيد من أجشاد قرايبهم

طلعت آوت

يعمل إيه تاني

يشجع الأهلي وكل مايكسب يبعتله برقية تهنئه والمثال في مبارة آسيك الأخيره

لأنه متخيل إنه بكده هايكسب ال 35 مليون أهلاوي

شغال يا ريس يا ناصح يا داهيه سياسيه

يروح يصلي العيد في شرم الشيخ والتليفزيون ينقل الصلاه ويبعت برقية تهنئه للشعب

وشوف المفارقه

يقولك ممنوع إستغلال الدين وهو أول واحد بيستغلوا

مش باقولكم عبيط

وفي بحثه المحموم عن الرضا الشعبي تقريباً حاول إنه يخلي سوزان تتحجب ويقعدها في البيت

لكن تقريباً بردوا هيا رفضت

بدليل إن حفل إفتتاح مهرجان القراءه للجميه إللي هو مناسبة التلميع الكبري للسيده الكبري سناً

نلاقيها داخله القاعه ساحبه صفوت الشريف وأنس الفقي ونص طقم الوزرا وراها

ومبارك مش موجود

لأنه مش عايز يبان إنه مع سفور سوزان وإختلاطها ويكسب الشعب

ما هو بيق متدين وبتاع ربنا وبيصلي العيد في التليفزيون

مش باقولكم عبيط

عبيط

عبيط

عبيط

عبيط


علي فكره عبيط معجمياً يعني في القاموس

معناها الذبيحه السمينه

والرئيس مبارك بسم الله ماشاء الله سمين قوي ومن فلوسنا بردوا

التوضيح ده للساده بتوع مباحث الإنترنت في لاظوغلي

وقد أكون أقصد هذا المعني أو لا إلا إنه يظل قائماً ولي حق الإحتكام إلي المجمع اللغوي

يعني معقول أبقي جعان

ونفسي في اللحمه

وأشتم البقر والجاموس مثلاً

وإلا أبقي رفيع وعندي أنيميا

وأشتم الرئيس مبارك

العبيط