مصر مبارك...... إللي مايشتري يتفرّج

طبعاًالكلام إللي الدنيا كلها شغّاله فيه
أو تحديداً الحزب الوثني
موضوع الرياده والزعامه والدور المصري والكلام الفارغ ده
وأنا عارف إن الموضوع مهروس والدنيا كلها طحنته لأن الكل إتخنقوا منه
لكن الموضوع مستفز
لأنك لما تلاقي بلد إتحولت فجأه لكلمه وشعار
ورئيس بيمضي عقده مع العقد التاسع في عمره يتحول بقدرة قادر ويبقي ساعي بريد
تبقي حاجه بنت وسخه قوي
لما نبقي ف5ي القضيه الفلفسطينيه منسق وشماشرجي وبرهان حماد وعمر سليمان وعمرو موسي يطلع يديها تصريح وأبو الغيط يقول إن مش عارف إيه هايبوظ إجتماع مش عارف إيه إللي لا مؤاخذه إسمه السلام
يبقي مصر بجلالة قدرها عليها أفضل السلام
والمشكله طبعاً في سيادة الرئيس غير المبارك
إللي مشغل العزبه بمزاجه ومش مكفيه كده
لأ كمان بيقطعوها بينهم وبين بعض
تلاقي جمال واخد المركب في سكة وأبوه واخده في سكه
وأمه واخداه في سكه غيرهم ومن غير ما يعرفوا
جمال يطلع عياله بتوع السياسات
ومبارك ينفخ في شويه من الحرس القديم
جمال يدي توجيهات للعيال بتوع الصحف القوميه يشوطوا نظيف وحكومته
ومبارك يعنفهم ويسكتهم
والكلام ده من بق الراجل بتاع طشة الملوخيه
أيوه بتاع أخبار اليوم
وأسمه ممتاز القط
وقال إيه قاعد مفشوخ9 في برنامج لميس الحديدي وبعدها مع محمود سعد
ويتباهي إن كبير العصابه علبي الطياره قاله يا ممتاز
إنت شانن _ حلوه شانن دي _ هجوم شنيع علي الوزاره
وقال مبارك كان بيقوله وهو بيضحك والموضوع8 قواله وبس ومفيش غير كده
مع العلم إن الهجوم إللي كان بيشنه ممتاز وغيره من رؤساء التحرير علي وزارة نظيف إنتهي في اليوم التاني مباشرة وإتحول لمدح
وسبحان مغير الأحوال طالما ممتاز نو نو شايف إن مبارك ما إتدخلش في الموضوع
مصر ببساطه بقت سلطه
ومبارك لا مؤاخذه ناقص إنه8 يقول للناس يناموا مع نسوانهم إيمتي
والعيال الفرافير الصغيرين يرغوا الصابون إيمتي
أنا آسف لا مؤاخذه وإحنا في رمضان وأنا والله محترم وما كتبتش بالشكل ده قبل كده
ورغم إني النهارده قاعد ألف حشيش من قبل الفطار ومونون إلا إن سبب الكلام ده مش كده
لأن أنا ضرّيب قديم
بس كل بني آدم وله طاتقه
وطاقة القدر لو مفتوحه الليله
هادعي إن ربنا ياخد مبارك ببلاويه ووشه العكر إللي ما شفناش من وراه يوم عدل
أما لو شفته بقي
وحظه العفش ساقه في طريقي
مش هاقتله
ولا هاعمل فيه زي أبو العربي بتاع بورسعيد إللي إتهموه كدب
ولا هاحاول محاوله فاشله زي بتاع أديبس أبابا أو مطار أنشاص
لأن أنا ضد مبدأ القتل أيّاً كان السبب
بس بصراحه
هاخلي إللي مايشتري يتفرّج